Harden miaswat sa Clippers batok Raptors

CEBU, Philippines —  Si James Harden mikadlit og 31 puntos aron pangulohan ang Los Angeles Clippers ngadto sa 121-117 nga kadaogan batok sa Toronto Raptors sa NBA kagahapong adlawa didto sa Scotiabank Arena sa Toronto, Canada.

Ang kanhi NBA scoring champion mibubo og 16 puntos sa katapusang kuwarter ug overtime sa dihang ang Clippers miposte sa ikalima nilang sagunson nga daog bisan og wala ang bitoon nilang si Kawhi Leonard kay nayayay ang tiil.

Abante ang Clippers og 11 puntos padung sa katapusang kuwarter apan si Harden milansang og duha ka free throws sa pinal nga 1:24 sa regulasyon aron pagpuwersa og dugang singko minutos sa duwa.

Si Harden mipasud og upat ka sunod-sunod nga free throws pagsugod sa ekstensiyon nga nakapalabaw sa Clippers sa hingpit.

Sa kinatibuk-an, si Harden mitali og otso puntos sa 12 puntos sa Clippers sa overtime. Si Scottie Barnes midugang og 24 puntos alang sa Clippers, nga mikatkat sa ika-10 nga puwesto sa Western Conference.

Didto sa Philadelphia, si Evan Mobley mi-dunk sa bola sa katapusang 4.8 segundos aron aswaton ang Cleveland Cavaliers ngadto sa 117-115 nga pagpakaging sa 76ers.

Si Mobley mitapos uban ang 15 puntos samtang si Jaylon Tyson mipatuasik og career-high 39 puntos alang sa Cavs, nga nakakuha sab og 13 puntos, siyam ka rebounds ug 12 ka assists gikan ni Donovan Mitchell.

Sa laing resulta, ang Brooklyn Nets mitumba sa Chicago Bulls, 112-109, aron pakgangon ang lima ka sagunson nilang malas.