Chepsiror, Torregosa nanghawod sa Cebu Marathon 2026
CEBU, Philippines — Ang Kenyan national nga si Eric Chepsiror mibalik nga madaogon samtang si Artjoy Torregosa sa Agusan del Sur gikoronahang rayna sa Cebu Marathon 2026 kagahapong adlawa sa SM Seaside City.
Si Chepsiror, nga wala makaapil sa miaging tuig kay nayayay ang tiil, naghari sa men's 42K. Siya maoy labing paspas sa makutas nga lumba nga iyang gihuman sud lamang sa duha ka oras, 30 minutos ug 53 segundos.
Si Lapiz, ang 2025 champion, mitapos sa ikaduhang dapit sa oras nga 2:32:46 samtang si Luka Lagat maoy na-3rd sa oras nga 2:36:58.
Sa iyang bahin, si Torregosa nanghawod sa women's division sa full marathon. Ang 33rd Southeast Asian (SEA) Games medalist mipatak og oras nga 2:53:17.
Si Lizane Abella nalandig sa ikaduhang dapit sa oras nga 3:13:33 ug gisundan kini ni April Joy Alampayan sa oras nga 3:16:06.
Sa 21K category, laing Kenyan runner nga si Daniel Boiwo ang misakmit sa titulo sa oras nga 4:09:00. Sila si Richard Salaño ug Rogen Aguirre ang miokupar sa ikaduha ug ikatulo nga puwesto sa oras nga 4:10:09 ug 4:11:04
Si Michelle Zamora ang midominar sa women's 21K sa oras nga 4:25:47. Sila si Jessa Mae Roda (4:27:50) ug Pia Englyst (4:30:08) ang miangkon sa ikaduha ug ikatulo nga luna.
Ang Top 3 sa 10K mao sila si Mark Mahinay (5:02.23), Stephine Delariarte (5:03.13) ug Mark Gumaya (5:03:54) sa men's ug Edna Magtubo (5:08.31), Asia Paraase (5:11.07), ug Jeanly Mata (5:14.03) sa women's. Sa 5K, ang Top 3 mao sila si Dhem AJ Monton (5:45.07), Noli Torre (5:45.15), ug Kharl Francis Hubag (5:45,34) sa men's ug Jasrain Mizzy Nova (5:49.43), Reilizha Kendra Cabiles (5:49.56), ug Laarne Dinoy (5:50.05) sa women's class.
- Latest
