Rockets ug Mavs moduwa og pre- season games sa Macau
CEBU, Philippines — Ang Dallas Mavericks ug Houston Rockets moduwa og duha ka NBA pre-season games didto sa Macau karong tuiga. Ipahigayon kini sa Oktubre 9 ug 11 didto sa Venetian Arena.
Niadto lamang miaging tuig, ang NBA mibalik sa China uban ang duha ka pre-season games tali sa Phoenix Suns ug Brooklyn Nets.
"The games in Macau earlier this season showed how much passion and enthusiasm there is for the NBA among fans in China and across Asia," matud pa ni NBA deputy commissioner Mark Tatum.
"We look forward to welcoming the Mavericks and Rockets to Macau and to once again engaging fans, aspiring players and the local community through the games and surrounding events," dugang pa ni Tatum.
Ang Venetian gipanag-iya sa Sands Corporation, kansang presidente nga si Patrick Dumont maoy tag-iya sa Mavericks. Samtang ang Rockets kanhi team ni Chinese star Yao Ming.
Ang Rockets, nga gibandera nilang Kevin Durant ug Alperen Sengun, ikatulo karon sa Western Conference bitbit ang 21-11 rekord samtang ang Mavs, nga nagkupot og 13-23 nga baraha, pangulohan nilang Anthony Davis, Kyrie Irving ug Klay Thompson.
- Latest
