Philippines triathletes na-food poison

MANILA, Philippines —  Nagkasya si Pinay triathlete Kira Ellis sa silver, ha­bang nagtakbo sina Kim Re­molino at Fer Casares ng silver at bronze sa pag­ta­tapos ng triathlon competitions ng 33rd Southeast Asian Games kahapon sa Laem Mae Phim Beach sa Thailand.

Ngunit lingid sa kaalaman ng mga fans ay nag­ka­roon ng kaso ng food poisoning ang national tri­athlon team.

Ang 19-anyos lamang na si Ellis ang nakalaro dahil dinala sa ospital si Ra­ven Alcoseba matapos sumama ang pakiramdam.

“Gusto ng puso, ayaw ng katawan,” sabi ng isang miyembro ng triathlon dele­gation kay Alcoseba.

Inamin din ni Ellis na wa­la rin siya sa kondisyon matapos mag-overnight sa ospital mula sa kanyang pag­sikwat sa gold medal sa women’s team relay at mixed team relay noong Mi­yerkules.

Sa kabila nito ay nakuha pa rin ni Ellis ang silver sa individual competition.

Sina Remolino at Ca­se­res ay sumama rin ang pa­kiramdam.