Gilas Women inangkin ang gold

MANILA, Philippines — Muling napasakamay ng Gilas Pilipinas Women ang basketball gold medal matapos itakas ang 73-70 panalo laban sa host Thailand sa 33rd Southeast Asian Games kahapon sa Nimibutr National Stadium.

Winalis ng mga Pinay ca­gers ang lahat ng ka­nilang apat na laro para mu­ling magreyna sa ikatlong pagkakataon sa huling apat na edisyon ng wo­men’s basketball tournament sa regional meet.

Kinuha ng Gilas Wo­men ang 10-point lead, 65-55, mula sa isang left-handed floater ni Sophia Dignadice sa 1:20 minuto ng fourt period.

Nakadikit ang mga Thais sa 70-72 sa huling mi­nuto ng laro.

Ang krusyal na supalpal ni Kacey Dela Rosa at free throw ni Jack Cabinbin ang muling naglayo sa Natio­nals sa 73-70 sa huling 16.9 segundo.