Cavaliers sinuwag ng Bulls
CHICAGO — Humataw si Josh Giddey ng 23 points bilang bahagi ng kanyang ikaanim na triple-double sa season, at may 25 markers si Coby White sa 127-111 pagsuwag ng Bulls sa Cleveland Cavaliers.
Tumapos si Giddey na may 11 rebounds at 11 assists para sa Chicago (11-15) at pinantayan ang kanyang career high na limang three-pointers.
Nagposte si center Nikola Vucevic ng 20 points sa opener ng home-and-home series.
Binanderahan ni star guard Donovan Mitchell ang Cleveland (15-13) sa kanyang 32 points.
Nagposte ang Bulls ng isang 15-point lead sa third quarter at hindi hinayaang makalapit ang Cavaliers.
Sa Minnesota, humakot si Jaren Jackson Jr. ng 28 points at 12 rebounds para banderahan ang balanseng atake ng Memphis Grizzlies at lusutan ang Minnesota Timberwolves, 116-110.
Kumolekta si Jock Landale ng 20 points at 10 rebounds para sa Grizzlies (13-14) na naipanalo ang apat sa huling limang laro at pito sa huling siyam na laban.
Umiskor si Jaylen Wells ng 17 points at may 13 at 12 markers sina Cedric Coward at Kentavious Caldwell-Pope, ayon sa pagkakasunod.
Bumira si Julius Randle ng 21 points para sa Timberwolves (17-10). Nagtala si guard Donte DiVincenzo ng 19 points at 11 rebounds, habang nagposte si Rudy Gobert ng 16 points at 16 boards para sa ikalawang kabiguan ng Minnesota sa huling siyam na laban.
Naglaro ang dalawang koponan na wala sina Anthony Edwards ng Minnesota at Ja Morant ng Memphis.
- Latest
