^

Banat Palaro

Cebuano basketball legend Julian Macoy mipanaw

Emmanuel B. Villaruel - Banat
Cebuano basketball legend Julian Macoy mipanaw
Julian Macoy

CEBU, Philippines — Nagbangutan karon ang komunidad sa Cebu sports tungod sa pagpanaw ni basketball legend Julian Macoy sa edad nga 85 anyos niadtong Martes, Disyembre 2.

Usa sa labing ngilgig nga atleta nga nahulma sa University of San Carlos (USC), si Macoy labing mahinumduman sa pag-iskor niya og kapin sa 100 puntos sa usa ka duwa dili lamang kausa apan duha ka higayon sa masidlakon niyang karera.

Unang nakab-ot sa garbo sa Ilaya, Dumanjug ang dakong dungog niadtong 1957 sa dihang mipabuto siya og 101 puntos batok sa Cebu Normal School (karon CNU na) sa Cebu Collegiate Athletic Association (CCAA), nga nailhan na karon isip Cebu Schools Athletic Foundation, Inc. (CESAFI).

Si Macoy mibuak sa kaugalingon niyang rekord sa dihang mipatuasik siya og makapakurat nga 126 puntos batok sa Cebu School of Arts and Trades niadtong 1958.

Sa susamang tuig, ang 5'8" nga forward mitabang sa Colegio de San Carlos (USC na karon), pagsakmit sa korona sa kampiyonato sa 1958 CCAA season.

Si Macoy nakaangkon og laing dungog isip labing unang player gawas sa Manila nga naapil sa Mythical Five

sa prestihiyosong National Inter-Collegiate Championships niadtong 1960.

Makaduwa siya sa Yutivo Opel sa Manila Industrial and Commercial Athletic Association (MICAA), ang liga nga miuresulta sa pagkatukod sa PBA, niadtong 1961-1970 ug nahimong alternate player sa Philipine national team sa 4th Asian Games didto sa Jakarta, Indonesia niadtong 1962.

Human sa iyang pagretiro gikan sa dul-an tulo ka dekada nga panerbisyo sa United States Postal Department didto sa Chicago, Illinois, mibalik siya sa Sugbo niadtong 2003.

Nagsilbe siyang assistant coach sa Phl Youth team niadtong 2004, CESAFI deputy commissioner gikan sa

tuig 2005 ngadto sa 2012 ug head coach sa USC Warriors niadtong 2012- 2014.

Pipila ka tuig sa wala pa kini, si Macoy miseguro na sa halangdon niyang puwesto uban sa mga tinamod nga Sugbanong atleta sa dihang gibayaw siya sa Cebu Sports Hall of Fame niadtong 1990.

JULIAN MACOY

  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with