Heat pinalamig ng Mavs
DALLAS — Bumanat si No. 1 overall pick Cooper Flagg ng 22 points habang humakot si Anthony Davis ng 17 points at 17 rebounds sa 118-108 pagpapalamig ng Mavericks sa Miami Heat.
Tumipa si undrafted rookie Ryan Nembhard ng 15 points at season-high 13 assists at may 17 markers si Klay Thompson para sa three-game winning streak ng Dallas (8-15).
Humakot si center Kel’el Ware ng 22 points at 10 rebounds para sa Miami (14-8) at may 21 markers si Bam Adebayo habang may 20 markers si Tyler Herro at hindi na nakaiskor sa second half.
Naglaro ang Heat na wala si leading scorer Norman Powell na may sprained left ankle, samantalang nagkaroon si Mavericks center Daniel Gafford ng left ankle injury sa second half at hindi na bumalik sa laro.
Iniskor nina Flagg at Davis ang pinagsamang huling walong puntos ng Dallas matapos makabangon ang Miami mula sa isang 17-point second-half deficit.
Nakadikit ang Heat sa apat na puntos mula sa basket ni Adebayo bago nagtuwang sina Flagg at Davis para sa panalo ng Mavericks.
Sa Atlanta, kumabig si James Harden ng 27 points at 9 assists sa 115-92 paglunod ng Los Angeles Clippers (6-16) sa Hawks (13-10).
Tinapos ng Los Angeles ang kanilang five-game losing slump.
Nag-ambag si Kawhi Leonard ng 21 points, 6 rebounds at 5 assists.
Sa iba pang laro, sinapawan ng Portland Trail Blazers ang Cleveland Cavaliers, 122-110; wagi ang Milwaukee Bucks sa Detroit Pistons, 113-109; tinalo ng Houston Rockets ang Sacramento Kings, 121-95; panalo ang Brooklyn Nets sa Chicago Bulls, 113-103; at dinaig ng New York Knicks ang Charlotte Hornets, 119-104.
- Latest
