Giannis-less Bucks bigo sa Pistons
MILWAUKEE - Kumolekta si Cade Cunningham ng 29 points, 10 assists at 8 rebounds para gabayan ang Detroit Pistons sa 129-116 pagdaig sa Bucks at ilista ang ika-12 sunod na ratsada.
Nagdagdag si Jalen Duren ng 19 markers para sa Detroit (14-2) at may 18 at 15 points sina Tobias Harris at Duncan Robinson, ayon sa pagkakasunod.
Hindi naglaro si Giannis Antetokounmpo para sa Milwaukee (8-9) sa ikalawang sunod na pagkakataon dahil sa kanyang adductor strain.
Nauna nang nagposte ang Pistons ng kanilang longest winning streak sa franchise history sa 13 sunod na arangkada noong 1989-90 at noong 2003-04 kung saan sila parehong nanalo ng NBA title.
Tinapos din nila ang isang 13-game losing skid sa Bucks simula noong Enero 3, 2022.
Mula sa 69-52 halftime lead ay hindi na nilingon ng Detroit ang Milwaukee sa second half.
Sa iba pang laro, lusot ang Chicago Bulls sa Washington Wizards, 121-120; panalo ang Memphis Grizzlies sa Dallas Mavericks, 102-96; tinalo ng Sacramento Kings ang Denver Nuggets, 128-123; wagi ang Orlando Magic sa New York Knicks, 133-121; at dinagit ng Atlanta Hawks ang New Orleans Pelicans, 115-98.
- Latest
