Mapua kailangang manalo sa Arellano
MANILA, Philippines — Ang panalo lang ang kailangan ng nagdedepensang Mapua University para masikwat ang No. 2 berth at ang ‘twice-to-beat’ incentive sa Group A.
Sumasakay sa isang three-game winning streak, haharapin ng Cardinals ang Arellano Chiefs ngayong alas-12 ng tanghali sa second round ng NCAA Season 101 men’s basketball tournament sa FilOil Centre sa San Juan City.
Sa ikalawang laro sa alas-2:30 ng hapon magtutuos ang St. Benilde Blazers at Emilio Aguinaldo College Generals.
Hawak ng Perpetual Help ang liderato sa Group A sa bitbit na 8-4 kartada habang bandera ang San Beda sa Group B tangan ang 9-3 record.
May ‘twice-to-beat’ bonus ang Red Lions at Blazers kagaya ng Altas, habang makukuha ng Cardinals ang insentibo kung tatalunin ang Chiefs.
- Latest
