Jerusalem dinapit sa 63rd WBC Convention
CEBU, Philippines — Si World Boxing Council minimumweight champion Melvin "El Gringo" Jerusalem motambong isip usa sa mga pinasidunggang dinapit sa 63rd Annual WBC Convention nga gikatakda gikan sa Nobiembre 30 ngadto sa Disiembre 5 didto sa Marriott Marquis Queen's Park Hotel sa Bangkok, Thailand.
"We are honored to confirm the attendance of the formidable two-time WBC Minimumweight World Champion, Melvin “Gringo” Jerusalem , at the historic 63rd Annual WBC Convention in Bangkok, Thailand!" sigun pa WBC sa usa ka post sa ilang Facebook page.
"The “Gringo” will be joining the biggest names in boxing for a week of unity, cultural exchange, and celebrating the sweet science," dugang pa sa WBC.
Ang 31-anyos nga garbo sa Monolo Fortich, Bukidnon bag-ohay pang nakadepensa sa iyang bakos sa WBC uban ang unanimous decision nga kadaogan batok ni Siyakholwa Kuse sa South Africa atol sa "Thrilla in Manila 2" nga gipasiugdahan ni ring legend Manny Pacquiao niadtong Oktubre 29 didto sa Smart Araneta Coliseum.Si Jerusalem, nga nagkupot og 25-3 win-loss rekord uban ang 12KOs, naglantaw karon sa unahan sa usa ka unification bout batok sa kababayan niyang si Pedro Taduran, ang hari sa IBF 105-pound division, o dili ba sa gihandum niyang rematch batok sa way pildeng WBO/WBA double champion nga si Oscar Collazo sa Puerto Rico.
- Latest
