Sinong tanders?

Ang vintage na machine gun, malangisan lang, puputok pa rin.

Ganyan si Kelly “Machine Gun” Williams ng TNT. Sa edad na 43, dapat eh nasa reserve list na lang siya.

‘Yun bang kung may ma-injure sa team, magbibihis siya para maglaro.

Pero iba si Kelly na minsan nang nag-retire at napilit lang ni coach Chot Reyes na bumalik noong 2021.

Nung Biyernes, kumana si Kelly sa Montalban kung saan tinalo ng TNT ang Terrafirma sa overtime matapos malamangan ng 16 points sa third quarter.

Rumatrat si Kelly at umiskor ng walong three-point shots kabilang ang dalawa sa overtime.

Nagtapos si Kelly na may 28 points at 11 rebounds. Akala mo, 28 years old kung kumana.

Well, kita naman sa katawan ni Kelly na kaya pa niya makipagsabayan dehins lang sa defense pero pati sa offense.

Isa na si Kelly sa oldest active PBA players at behind Rafi Reavis na 48 na on and off pa sa court.

Kabilang rin sila Asi Taulava (50) at Papa Rey Hugnatan (44) sa oldest PBA players bago sila nag-retire.

But of course, walang tatalo kay Robert Jaworski Sr. na 51 years old nung huli siya maglaro sa PBA.

Ibang usapan ‘yan.