Spoelstra bagong Team USA coach

NEW YORK -- Naka­takdang pangalanan si Fil-American coach Erik Spoelstra ng Miami Heat bilang bagong mentor ng Team USA para sa 2028 Olympic Games sa Los An­geles, USA at sa 2027 World Cup sa Qatar.

Inaasahang mapapa­na­lisa ang kontrata ng 54-anyos na si Spoelstra bi­lang kapalit ni Golden State Warriors coach Steve Kerr.

Iginiya ni Kerr, katulong si Spoelstra, ang Team USA sa gold medal sa 2024 Paris Olympics.

Ito ang pang-limang sunod na Olympic gold para sa American men’s team.

Kung makukumpirma ay si Spoelstra ang magi­ging unang coach sa Heat history na gagabay sa U.S. men’s national team.

Sasalang sa kanyang ika-18 NBA season, inihatid ni Spoelstra ang Miami team sa anim na NBA Finals appearances tampok ang paghahari noong 2012 at 2013 sa likod nina Le­Bron James, Dwyane Wade at Chris Bosh.

Ang ina ni Spoelstra na si Elisa ay tubong San Pablo, Laguna at ilang beses na ring bumisita ang NBA coach sa Pi­lipinas pa­ra magsagawa ng mga basketball clinics sa mga ba­ta.

“When I first started co­ming over, I just wanted to give back and do as much as I could, in terms of clinics and continue to grow the game and just be involved in the movement,” ani Spoelstra. “That’s what I call it. Basketball really is like a religion in the Philippines.”