Chua lumangoy ng bagong Philippines record

MANILA, Philippines — Lumangoy si Pinay swimmer Xiandi Chua ng bagong Philippine record sa women’s 13-and-over 400-meter individual medley event.

Nagsumite si Chua ng tiyepong 4:43.19 sa 2025 Australian Short Course Championships na idinaos sa Melbourne Sports and Aquatic Centre.

Binura niya ang sariling national record na 4:43.85 na kanyang inilista sa World Aquatics Championships noong nakaraang taon sa Budapest, Hungary.

Nakatakdang sumalang si Chua sa 33rd Southeast Asian Games sa Thailand  sa Disyembre.

Target ni Chua ang mga gold medals sa women’s 100m at 200m backstroke at sa 200m at 400m individual medley sa Thailand SEA Games.