Crawford mihimo'g kasaysayan sa boksing
CEBU, Philippines — Si Terence Crawford mipakurat ni Mexican superstar Saul "Canelo" Alvarez aron pag-angkon sa korona isip undisputed super middleweight world champion kagahapong adlawa didto sa Allegiant Stadium sa Las Vegas, Nevada.
Tungod niini, ang 37-anyos nga si Crawford mikulit og kasaysayan isip labing unang boksidor nga nahimong undisputed champion sa tulo ka weight divisions. Iya nang naangkon ang maong titulo sa super lightweight ug welterweight class.
Ning higayona, milayat siya og duha ka mga kategoriya aron lamang makasangka si Alvarez. Nagmabungahon hinoon ang iyang pagrisgo kay human sa 12 ka hugna nilang binukbukay, ang tulo ka mga judges mipabor ni Crawford sa iskor nga 116-112, 115-113 ug 115-113.
Si Crawford, nga usa na karon ka five-division world champion, miinat sa perpekto niyang rekord ngadto sa 42-0 uban ang 31KOs. Samtang ang four-division champion nga si Alvarez natagak sa 63-3-2 uban ang 39KOs.
- Latest
