Crawford gumawa ng boxing history
LAS VEGAS - Hinirang si American Terence Crawford bilang kauna-unahang boxer na nagwagi ng mga undisputed titles sa tatlong weight divisions.
Ito ay matapos talunin ni Crawford si Saul “Canelo” Alvarez via unanimous decision para agawin sa Mexican superstar ang suot nitong super middleweight world boxing crown kahapon sa harap ng 70,482 fans dito sa Allegiant Stadium.
Pinaganda ni Crawford ang kanyang win-loss-draw ring record sa 42-0-0 tampok ang 31 knockouts.
Nauna nang hinirang ang 37-anyos na si Crawford na undisputed champion sa junior welterweight at welterweight divisions.
“For sure this is definitely a signature win,” sabi ni Crawford. “Moving up two weight classes, being the B-side, fighting a guy that’s been undefeated in the division, undisputed.”
Si Crawford din ang WBA, WBC, IBF, WBO at The Ring champion sa kasalukuyan.
Samantala, may 63-3-2 card naman ngayon ang 35-anyos na si Alvarez na nagkampeon sa apat na magkakaibang weight classes.
“If we do it again, it will be great,” wika ni Alvarez sa inaasam niyang rematch nila ni Crawford.
- Latest
