Davison tunay na Pinay
MANILA, Philippines — Walang dahilan si PLDT star Savi Davison para patunayan ang kanyang pagiging isang Pinay.
Sa katunayan ay inialay ng Fil-Canadian outside hitter sa kanyang pamilya ang ikalawang sunod na Premier Volleyball League (PVL) crown ng High Speed Hitters.
Matapos ang 21-25, 31-29, 25-22, 25-18 panalo ng PLDT sa guest team Kobe Shinwa University sa kanilang knockout championship game para sa 2025 PVL Invitational Conference title ay kaagad nagtungo si Davison sa kanyang pamilya sa lower box ng Smart Araneta Coliseum.
“They were actually in the lower box. That was considered patron but it was a little bit far so I had to go up,” sabi ni Davison na anak nina Barbara Manalo at Bill Davison.
Si Davison ay pamangkin ni PLDT/Smart VP First Vice President at Head of Sports Jude Turcuato.
“I’m glad that I can, you know, share it with them and, you know, have them part of the journey. They’re a big reason why I’m here. They’re the closest I can get to my mom right now,” dagdag nito.
Ang 26-anyos na Fil-Canadian ay kinuha ng PLDT para sa 2023 PVL Second All-Filipino Conference.
Nauna na siyang naglaro sa Division 1 ng US NCAA para sa University of Oklahoma at New Mexico State University.
- Latest
