Llover nakapasar sa malisud nga hagit

CEBU, Philippines — Milampos si Kenneth Llover sa labing lisud nga hagit sa iyang karera.

Kini human gikulata sa way pildeng bantamweight contender si kanhi two-division world champion Luis Concepcion sa Panama sa ilang sangka niadtong Domingo sa gabii, Agosto 17, didto sa Winford Hotel and Casino sa Manila.

Ang gibansagan nga “The Lover Boy”, nga midaog sa katapusan niyang duha ka away pinaagi sa knockout sud lamang sa usa ka hugna, mipa-undang ni Concepcion sa oras nga 2:27 sa ikawalong hugna.

Sa wala pa kini mahitabo, si Llover mipalukapa nang daan sa beterano niyang kontra duha ka higayon sa ikaduha ug ikatulong hugna.

Apan nangihanglan pa siya og duhang lima ka hugna aron pakagingon si Concepcion sa hingpit.

Sa ikawalong hugna, gidabo-dabo niya og kulata si Concepcion nga nakapaaghat sa reperi pag-undang sa away aron paglikay sa bisitang Panamanian sa dugang kadaut.

“Grabe, ang masasabi ko, napakatibay. Biro niyo, ilang straight ang nabitawan ko… Grabe, napakatibay,” matud pa ni Llover, nga miinat sa perpekto niyang rekord ngadto sa 15-0 nga gidayan-dayanan na karon og 10KOs.

“Pero, ang nakuha ko rito, yung experience talaga,” dugang pa ni Llover, nga mobalik og away karong Oktubre alang sa usa ka world title eliminator batok ni International Boxing Federation No. 5 bantamweight contender Landi Ngxeke.

Sa iyang bahin, ang 39-anyos nga si Conception natagak sa 40-12 uban ang 29KOs.