Labing unang Visayas Kickboxing Championship nagmalampuson

CEBU, Philippines — Nagmabungahon ang labing unang Visayas Kickboxing Championship nga gipahigayon niadtong Agosto 1-3 didto sa SM Seaside City diin nahatagan niini og oportunidad ang mga atleta gikan sa nagkadaiyang dapit sa rehiyon nga mapakita ang ilang abilidad ning sikat nga martial art.

Miabot ngadto sa 163 ka batan-ong kickfighters ang maisogon nga mikumbati diin ang mga nakadaog magsagubang og mas lisud nga tahas isip representante sa Visayas sa National Finals nga gikatakda karong Septiembre 1-6 didto sa Tagaytay City.

"Very successful kaayo ang atong event," matud pa ni Master Benigno "Ekin" Caniga, Jr. nga maoy nag-organisa sa tulo ka adlaw nga torneyo inabagan ni John Ian Nisnisan. "Naglantaw ko sa umaabot nga modaghan pa gyud ang ato participants na mga athletes."   

Gi-sanction sa Samahang Kickboxing ng Pilipinas (SKP) nga gipangulohan ni kanhi senador Francis Tolentino, ang napuno sa aksiyon nga kompetisyon nagmalampuson tungod sa hugot nga suporta sa kagamhanan sa siyudad sa Sugbo ubos sa liderato ni mayor Nestor Archival, Cebu City Sports Commission, ug Department of Education (DepEd)-Cebu City Division.

"Plano namo mag-grassroots program ug mopahigayon og inter-school tournament puhon para daghan ta ma-develop nga mga bata nga maka-compete puhon sa mga dagkong events," dugang pa ni Caniga.

Human sa Visayas, ang Mindanao leg sa regional qualifiers sunod nga ipahigayon karong Agosto 12-14 didto sa RDR Gym sa Davao Del Norte Sports and Cultural Center sa Tagum City.---Emmanuel B. Villaruel

Si Anton Bennett Chua miposa og upat ka 3-pointers sa iyang 15 puntos uban ang upat ka rebounds samtang sila sila Lorenz Miguel Otero ug Chaz Cokaliong nagkumboya'g 21 puntos, 10 ka rebounds ug upat ka assists alang sa Batch 2015.

Sa laing resulta, si Eroll Pastor mirehistro og double-double nga 20 puntos ug 10 ka rebounds sa dihang gipakaging sa Forex Xchange Batch 2018 ang Nest Worskspaces Batch 2013, 78-68, aron pagtikang ngadto sa usa na lang ka daog gikan sa finals.

Si Pastor nakakuha og dakong suporta gikan ni Patrick Yu uban ang 17 puntos ug lima ka rebounds ingon man ni Benedict Andre Chua, nga mihipos og 16 puntos ug duha ka rebounds.