Paras, de Liaño sasali sa PBA Draft
MANILA, Philippines — Lalarga na ngayon ang aplikasyon para sa 2025 PBA Rookie Draft kasabay ng padriwang ng liga ng ika-50 taong selebrasyon nito.
Nakatakda ang PBA Rookie Draft sa Setyembre 7 sa hindi pa sinasabing venue bago ang pagbubukas ng PBA Season 50 sa Oktubre tampok ang mga laro sa Dubai, United Arab Emirates.
Hanggang Agosto 29 ang aplikasyon ng lahat ng Filipino at Filipino-foreign players na edad-19 anyos pataas bago salain ng PBA ang mga aplikante sa PBA Rookie Draft Combine.
Ito na ang ika-40 Rookie Draft sa kasaysayan ng PBA na siyang pinakaunang professional basketball league sa Asya buhat nang simulan ito noong 1985, 10 taon mula nang itayo ang liga tampok ang mga amateur players muna noong 1975.
Bukas ang aplikasyon para sa mga purong Pinoy na kailangan lang magpasa ng 2 2x2 ID, PSA birth of certificate at school records.
Bukod sa mga nabanggit, kailangan naman ang valid na Philippine passport bilang dagdag na requirements para sa mga Filipino-foreign applicants.
Sibak na draft prospects sina Rhenz Abando na piniling bumalik sa mother ball club na Anyang sa Korea habang sa Europa muna maglalaro si Quentin Millora-Brown.
Sa kabila nito, inaasahan pa rin ang bigatin na draft class na bubuuin ng UAAP, NCAA at MPBL standouts kasama na ang Fil-foreign standouts sa pangunguna nina Jason Brickman at DJ Fenner.
Maugong din ang pangalan nina dating UAAP stars Kobe Paras at Javi Gomez de Liaño na magpa-draft matapos hindi ma-renew ng kanilang mga koponan papasok sa bagong season ng Japan B. League at Korean Basketball League (KBL), ayon sa pagkakasunod.
- Latest
