Gold target ng athletics squad sa Almaty
MANILA, Philippines — Handa na ang eight-man Philippine athletics team na sumabak sa 34th Qosanov Memorial na bubuksan ngayong araw sa Almaty, Kazakhstan.
Panargo ng nationals si reigning Southeast Asian Games long jump champion Janry Ubas sa nasabing two-day event.
Kasama ni Ubas na magwawagayway ng bandila ng Pilipinas sina dating SEA Games gold medalists Anfernee Lopena na sasalang sa 100m event at Clinton Bautista na babanat sa 110m hurdles.
Kakampanya sa triple jump si Ronne Malipay, habang sasabak si Kharis Pantonial sa 400m at si Hussein Lorana sa 800m.
Sina national coaches Dario De Rosas at Isidro Del Prado, dating pambato ng Pilipinas sa SEA Games noong 1980s, ang gagabay sa tropa.
Ang iba pang tatarget ng gold medal ay sina Susan Ramadan (women’s 1500m) at Bernalyn Bejoy (800 m).
Tatakbo din ang national team members sa 4x100m men’s relay at 4x400m mixed relay races.
Kasama ang nasabing torneo sa paghahanda ng national track and field team para sa SEA Games na gaganapin sa Thailand sa Disyembre.
- Latest
