HD Spikers swak sa quarterfinals
MANILA, Philippines — patungo sa quarterfinals sa Pool B ng 2025 Premier Volleyball League (PVL) on Tour kahapon sa City of Passi Arena sa Iloilo City.
Umiskor si Ishie Lalongisip ng 15 markers at may 11 points si Jackie Acuña para sa 4-1 record ng HD Spikers at makabangon mula sa 13-25, 28-26, 15-25, 15-25 kabiguan sa Chery Tiggo Crossovers noong Sabado.
“Malaking bagay pero iyong pagdadaanan namin sa quarterfinals. Kailangan makapag-practice kami nang mabuti, lalo na iyong mga lapses namin,” ani coach Shaq delos Santos.
Tumipa si setter Gel Cayuna ng 27 excellent sets habang may pinagsamang 23 excellent receptions sina Lalongisip at Tin Tiamzon.
Bigo ang Thunderbelles na maduplika ang kanilang naunang 24-26, 25-20, 25-23, 22-25, 15-11 paggulat sa Creamline Cool Smashers para sa kanilang 2-2 baraha.
Nakabawi ang ZUS Coffee, nakahugot kay Chinnie Arroyo ng 20 points, mula sa 0-2 pagkakabaon matapos kunin ang third set, 25-21.
Sa likod nina Santos at Lalongisip ay inilista ng HD Spikers ang 7-3 abante na kanilang pinalobo sa 18-13.
Inilapit ni Arroyo ang Thunderbelles sa 16-24 agwat kasunod ang drop ball ni Acuña para selyuhan ang kanilang panalo.
- Latest
