Knicks coach sinibak
NEW YORK — Sinibak ng Knicks si coach Tom Thibodeau kahapon ilang araw matapos silang patalsikin ng Indiana Pacers sa Eastern Conference finals.
Iginiya ni Thibodeau, nilampasan si Pat Riley sa fourth spot sa franchise list ng mga panalo, ang New York team sa back-to-back 50-win seasons sa unang pagkakataon sapul noong 1995.
“This pursuit led us to the decision to inform Tom Thibodeau that we’ve decided to move in another direction. We can’t thank Tom enough for pouring his heart and soul into each and every day of being the New York Knicks head coach,” ani team president Leon Rose sa isang statement.
Nakabilang si Thibodeau sa Knicks organization noong1990s kung saan siya naging assistant coach sa ilalim ni Jeff Van Gundy.
Para may makatulong si star guard Jalen Brunson ay kinuha ng New York sina Mikal Bridges at All-NBA center Karl-Anthony Towns at binitawan sina Julius Randle at Donte DiVincenzo sa Minnesota Timberwolves.
Bago niya hawakan ang Knicks ay minandohan muna ni Thibodeau ang Chicago Bulls (2010-15) at Timberwolves (2016-19).
- Latest
