Warriors tablado sa Rockets sa Game 6
SAN FRANCISCO - Magkikita pa ang Golden State Warriors at ang Houston Rockets sa huling pagkakataon.
Ito ay matapos tumipa si point guard Fred VanVleet ng 29 points, 8 assists at 8 rebounds para pamunuan ang Rockets sa 115-107 pagdaig sa Warriors at humirit ng Game 7 sa kanilang Western Conference first-round playoff series.
Itinabla ng Houston sa 3-3 ang kanilang best-of-seven showdown ng Golden State.
Ang Rockets ang mamamahala sa kanilang Game 7 ng Warriors kung saan ang mananaig ang haharap sa Minnesota Timberwolves sa semifinals.
Pinatalsik ng Timberwolves sina LeBron James at Luka Doncic at ang Los Angeles Lakers sa first round.
Kumolekta si center Alperen Sengun ng 21 points at 14 rebounds para sa Houston na nakahugot din kay big man Steven Adams ng 17 points.
“It was a mantra going into the series: Play through everything,” ani coach Ime Udoka. “It’s going to be a physical game. Don’t ask for anything. We want to be physical. So if the refs allow it or that’s how the style of game is played, that favors us more often than not.”
Bumira si Stephen Curry tampok ang anim na three-point shots para banderahan ang Golden State, habang nagposte si Jimmy Butler na nagtala ng 27 points, 9 rebounds at 8 assists.
- Latest
