Brown sinapawan si Hoffman
CAPAS, Tarlac -- Sinapawan ni Fil-Am Robyn Brown si 2024 Paris Olympian Lauren Hoffman sa finals ng women’s 400-meter hurdles sa ICTSI Philippine Athletics Championships dito sa New Clark City Athletic Stadium.
Nagsumite si Brown ng 57.39 segundo para talunin si Hoffman at angkinin ang gold medal.
Ang nasabing oras ni Brown ay mas mabilis kumpara sa inilista niyang 57.50 segundo sa pagkopo sa gold sa 2023 Asian meet sa Bangkok, Thailand na hangad niyang maidepensa sa 2025 edition sa Gumi, South Korea ngayong buwan.
Naglista naman si Hoffman ng 1:00.20 para sa silver kasunod si Thai Anisa Wenuwamarak (1:00.42) para sa bronze.
Samantala, sinira ni Fil-Am Marc Anthony Rosario, dinadala ang FILAM Sports, ang national record sa men’s 200 meters sa kanyang bagong markang 20.82 segundo.
Binura ni Rosario ang 20.84 segundo na inilista ni Trenten Beram sa 2017 Malaysia Southeast Asian Games para sa ginto.
Wagi rin si Fil-Am sprinter Kristina Knott sa women’s 200-meter run sa kanyang tiyempong 24.12 segundo kasunod sina Jessica Laurance Pinoy Athletics (24.25) at Papua New Guinea bet Patricia Kuku (25.84).
Panalo rin sina Fil-Am Yacine Guermali (14:13.99) at Joida Gagnao (17:53.00) sa men’s at women’s 5,000-meter run.
- Latest
