Greenies kakasa sa Junior Altas sa Finals

MANILA, Philippines — Walang finals rematch na magaganap sa pagitan ng University of Perpetual Help System DALTA at back-to-back champions Letran.
Isinalpak ni Gillian Quines ang game-winning layup sa huling 6.5 segundo ng laro para sa 78-77 pagtakas ng No. 3 St. Benilde-La Salle-Greenhills Greenies sa No. 2 Squires sa ‘do-or-die’ game sa Final Four ng NCAA Season 100 juniors basketball tournament kahapon sa FilOil EcoOil Centre sa San Juan City.
Ang Greenies ang makakasagupa ng Junior Altas sa best-of-three title series na magsisimula bukas.
Humakot si Quines ng 28 points, 6 steals, 5 rebounds at 3 assists para sa St. Benilde-LSGH na nauna nang tinalo ang Letran, nagdala ng ‘twice-to-beat’ advantage sa semifinals, via overtime, 78-74, noong Lunes.
- Latest