Toledo-Xignex Trojans nagpabiling way pildesa PCAP
CEBU, Philippines — Ang Toledo-Xignex Trojans miposte og duha ka sunod-sunod nga impresibong kadaogan aron pagpabiling way pilde sa All Filipino Conference sa Professional Chess Association of the Philippines (PCAP) Season 5.
Mihaw-as gikan sa lima ka sagunson nga daog, ang Trojans nga gipangulohan ni Grandmaster Mark Paragua mipadayon sa mainit nilang ratsada uban ang 21-0 nga pagkulata sa Mindoro Tamaraws niadtong Miyerkules sa gabii, Abril 2.
Ila kining gisundan sa laing dalaygon nga 19.5-1.5 nga demolisyon sa Zamboanga Sultans. Tungod niini, ang two-time Southern Conference champion mipahugot sa ilang pagkupot sa solong liderato sa South bitbit ang perpektong 7-0 rekord.
Sa kinatibuk-an, ang Trojans usa sa duha na lamang ka teams nga way pilde ning pasiunang komperensiya sa PCAP.
Sa North, ang San Juan Predators wala pa say tatsa human sa pito ka duwa.
- Latest
