TNT, Ginebra magbinuk-anay sa ilang panagtabla

CEBU, Philippines —  Ang TNT Tropang Giga ug ang Barangay Ginebra Kings parehong naglaraw mga moposte og krusyal nga daog sa dihang mag-abot sila sa Game 5 sa best-of-seven PBA Season 49 Commissioner's Cup Finals karong adlawa (Domiggo, Marso 23) didto sa Smart Areta Coliseum sa Quezon City.

Magbangga ang duha ka dekalibreng puwersa sugod sa alas 7:30 sa gabii.

Tabla karon ang kulbahinman nilang serye sa baraha nga 2-2 human ang Ginebra milampornas sa TNT, 95-78, sa Game 4 niadtong Biyernes sa gabii didto sa Ynares Center sa Antipolo City.

Bisan og nayayay ang tuong kumagko, si Justin Brownlee mipakita og tumang kadasig aron pangulohan ang Gin Kings uban ang 23 puntos, 12 ka rebounds, lima ka assists ug duha ka blocks sud sa 45 minutos niyang pagbabad sa korte.

Karon nga naputol ang ilang serye ngadto na lang sa best-of-three, mahinungdanon kaayo ang ikalimang duwa diin ang mopatigbabaw motikang ngadto sa usa ka daog aron sakmiton ang korona.

Samtang ang mapilde kinihanglan nga makasagunson og duha ka daog aron buhion ang ilang damgo nga makampiyon.