Grassroots program palalakasin ng PSFI

MANILA, Philippines - Palalakasin ng Pilipinas Sambo Federation (PSFI) ang mga nasimulang programa para sa hosting ng prestihiyosong Asian-Oceania Senior Sambo Championships sa susunod na taon.

Ito ay matapos humakot ang mga national sambo athletes ng apat na medalya kabilang ang dalawang ginto mula kina multiple World medalist Sydney Sy-Tancontian at head coach Ace Larida sa DSI Dutch Open Sambo 2025 sa Netherlands.

“We’ve seen an increased level of competition in this year’s event, kaya, I’m delighted that we’ve achieved this kind of peat. We give credit and value to their huge effort in preparing for this European high-level tournament. The key factor ng team is the undying fighting spirit,” ani PSFI president Paolo Tancontian kahapon sa Tabloids Organization in Philippine Sports Inc. (TOPS) "Usapang Sports" sa PSC Conference Room sa Rizal Memorial Sports Center (RSMC).

 “With this win, it could set the tone for us in the coming international tournaments, and hoping to produce more for our country and our pride,” dagdag ni Tancontian.

Planong isagawa ng PSFI ang Asia-Oceania tourney at ang Beach Sambo Invitational Tournament sa Puerto Princesa, Palawan sa Oktubre sa sports program na suportado ng Philippine Sports Commission, Behrouz Persian Cuisine at Pocari Sweat. 

Sa naturang kumpetisyon ay muling napagtagumpayan ng tinaguriang “Sambo Queen” na si Sydney ang kanyang korona kontra kay Aylin Mill ng Germany sa finals ng women’s Sports Sambo +80kgs category.

Ito muli ang pagbabalik sa kumpetisyon ng three-time SEA Games medalist matapos huling magwagi ng tansong medalya sa 2024 World Beach Sambo Championships sa Casablanca, Morocco noong Setyembre at gintong medalya sa 2024 Korea Open Sambo Championships noong Oktubre.

Nasungkit naman ni Larida ang kanyang ikalawang ginto matapos talunin si Andrea Puma ng Switzerland sa finals ng men’s Masters under-98kgs Sports Sambo.

Nagdagdag ng silver si University of Santo Tomas lady judoka Mariah Albert Lua matapos yumuko sa beteranong si Kateryna Moskalova ng Romania sa women’s under-80kgs Sports Sambo.

Bigo namang makaulit ng gintong medalya si 2019 SEA Games Sports Sambo titlists Chino Sy-Tancontian matapos maglaro sa mas mabigat na men’s +98kgs Sports Sambo na nakuntento sa bronze medal kasama si Artur Vartanjan ng Germany. 

Naglaban sa gintong medalya ang crowd-favorites na sina Ferdinand Johan Ansah at Lars Van Der Veen, kung saan napagtagumpayan ng una. 

Bigo namang makapag-uwi ng medalya si Pinoy grappling specialist Godwin Langbayan sa men’s under-64kgs Combat Sambo. 

Maituturing na pinakamahusay na pederasyon sa Southeast Asia ang National Sambo squad sa pagkakaroon ng kauna-unahang medalist sa World Championships na si Sy-Tancontian, na nakamit ang unang medalya sa Beach Sambo nung Setyembre 7-8, 2024 sa Casablanca, Morocco, gayundin ang first-timer na si Jeniva Consigna na bumalibag ng tanso sa women’s under-72 kgs category. 

Bukod sa magkapaitd na Sy-Tancontian, maaasahan rin ang programa ng koponan pagdating sa combat sports na binubuo ng mga elite mixed martial arts fighters na kinabibilangan nina dating international titlists at 2019 SEA Games gold medalist Mark “Mugen” Striegl, Robin “The Ilonggo” Catalan, Jomary “The Zambuanguena” Torres, Zus Combat World challenger John McLeary “Pirata” Ornido, at rising ONE Championship strawweight fighter Marwin “Green Goblin” Quirante.