LeBron binanderahan ang Lakers vs Wizards
WASHINGTON, Philippines — Nagkadena si LeBron James ng 24 points at 11 assists bago ipahinga sa fourth quarter sa 134-96 paglampaso ng Los Angeles Lakers sa Wizards.
Sa pag-upo ni James ay ibinabad naman ang anak niyang si Bronny sa kabuuan ng fourth period at umiskor ng career-high na limang puntos para sa Los Angeles (27-19).
Nalasap ng Washington (6-41) ang pang-16 sunod na kamalasan na dumuplika sa kanilang franchise record.
Bagama’t hindi nagl;aro si star center Anthony Davis dahil sa isang abdominal muscle strain ay nagawa pa rin ng Lakers na tambakan ang Wizards sa halftime, 78-45, patungo sa pagtatayo ng isang 39-point lead sa huling 1:25 minuto ng final canto.
Pinamunuan ni Jordan Poole ang Washigton sa kanyang 19 points.
Sa Cleverland, umiskor si Darius Garland ng 26 points at may 24 markers si Donovan Mitchell sa 137-115 pagmasaker ng NBA-leading Cavaliers (39-9) sa Atlanta Hawks (22-26).
Sa Salt Lake City, bumanat si Anthony Edwards ng 36 points para pangunahan ang Minnesota Timberwolves (27-21) sa 138-113 paggupo sa Utah Jazz (10-36).
Sa Portland, tumipa si guard Scoot Henderson ng 23 points, 7 assists at 5 rebounds para banderahan ang Trail Blazers (19-29) sa 119-90 pagpapabagsak sa Orlando Magic (24-25).
Sa Memphis, nagtala Desmond Bane na may 24 points at 12 rebounds, habang ipinasok ni Jaren Jackson Jr. ang dalawang free throws sa huling 8.6 segundo sa 120-119 pagtakas ng Grizzlies (32-16) sa Houston Rockets (32-15).
- Latest
