1st Mortabond Cup sa CABC mo-arangkada na
CEBU, Philippines — Ang 1st Mortabond Cup sa Cebu Architects Basketball Club (CABC) mosikad na karong adlawa (Dominggo, Agosto 18) didto sa Benedicto College-Cebu City Campus gym.
Sa dili pa ang mga duwa, usa ka simpleng seremonyas sa pagbukas ang ipahigayon sugod sa alas 1:30 sa hapon.
“We’re thrilled to team up with Mortabond as they introduce their brand to Cebu. We’re also eager to showcase the teams that will bring their best to this tournament,” matud pa ni CABC chairman Paolo Alberto atol sa usa ka press conference didto sa Club Filipino sa FGU Ayala Tower niadtong Biyernes, Agosto 16.
Si Alberto giduyogan nilang CABC co-chairman Oliver Tan ug Mortabond COO Louie Loo. Unom ka teams nga nagrepresenta sa mga produkto sa Mortabond ang mopakita'g aksiyon sa usa ka bulan nga torneyo.
Kini mao ang Mortaseal, Strakgrout, Mortaflow, Brute, Ezbond, uy Lite.
Moduwa sila ubos sa single round robin format sa eliminasyon.
Ang top 2 makaangkon og awtomatik nga luna sa semifinals. Ang No.3 ug No.4 seeds adunay twice-to-beat advantage batok sa ubos og ranking nilang mga kaatbang sa quarterfinals.
Ang semis ug ang finals parehong tinagakay nga mga duwa.-
- Latest
