EJ Obiena emosyonal, nangayo'g pasaylo
CEBU, Philippines — Emosyonal kaayo si Pinoy pole vaulter Ernest John "EJ" Obiena human napakyas sa iyang kampanya nga makamedalya sa Paris Olympics 2024 niadtong Lunes sa gabii didto sa Stade de France.
Klaro kaayo nga nakuratan si Obiena human siya mitapos sa ikaupat lamang nga puwesto hinungdan sa pagkahugno sa iyang damgo nga makatunol og medalya alang sa nasud.
Wala makuha sa World No. 2 pole vaulter ang 5.95-meter nga marka human sa tulo ka mga pagsuway nga miresulta ngadto sa makabuak sa dughan niyang kapakyasan.
Sa dihang nahinabi ni Boom Gonzalez sa One Sports, si Obiena nangayo og pasaylo sa iyang mga kababayan nunot sa wala makab-ot niyang misyon.
"I apologize, I promised I’m gonna go back after Tokyo and do better. I did, but I would say it didn’t change in my book. Still, I came up short. I’m sorry, I apologize for it," matud pa ni Obiena.
Kon nalayat pa lamang sa 28-anyos nga si Obiena ang 5.95m, hayan nga segurado na unta siyang makadaog og bronze medal.
"It’s painful. I missed a medal by one jump and it wasn’t far. Disappointed, definitely," dugang pa ni Obiena. "4th place is painful to say the least; and in sports with three podium places, perhaps 4th is the harshest place to be. I am heartbroken that a single failure cost me and cost a nation I so deeply love—the podium."
- Latest
