Davao City, Cebu-USJR at Pampanga sa PSL Global Championships

MANILA, Philippines — Kakatawanin ng mga ko­ponan mula Luzon, Vi­sa­yas at Mindanao ang Pilipinas sa darating na PSL Global Championship Challenge.

Kinumpleto ito ng Da­vao City at Cebu-USJR ma­tapos talunin ang kani-kanilang mga karibal sa katatapos lamang na PSL National Finals na ginanap sa Filoil-EcoOil Centre sa San Juan City.

Dinaig ng Cebu-USJR ang Pangasinan, 83-71, ma­tapos bumomba ng 30 points sa fourth quarter.

Tulu­yan nilang inangkin ang titulo sa Born 2006 division.

Samantala, pinabagsak naman ng Davao City ang Davao Occidental, 80-64, para maghari sa Born 2004 division.

Nagningning para sa panalo ng Davao City si John Eimrod Rodulfa na nagtala ng muntik nang tri­ple-double na 30 points, 12 assists at 9 rebounds.

Dahil dito ay hinirang si Rodulfa bilang Most Valuable Player ng Born 2004 division.

Sasamahan ng Cebu -USJR at Davao City sa PSL Global Championship Challenge ang Pampanga na nauna nang kinopo ang korona sa Born 2008 di­vision sa 85-79 panalo sa Caloocan kamakalawa.

Ang tatlong koponan ang kakatawan sa Pilipinas sa iba’t-ibang kategorya

Ang Global Championship Challenge ang tumatayong flag­ship event ng Pilipinas Super League.

Didribol ang nasabing torneo sa Lunes sa Smart Araneta Co­liseum.