Galeries Tower naniniwala sa kakayahan ni Coronel
MANILA, Philippines — Positibo ang Galeries Tower sa kanilang magiging kampanya sa darating na 2024 Premier Volleyball League (PVL) Reinforced Conference.
Ito ay dahil sa pagkuha ng Highrisers kay Alas Pilipinas setter Julia Coronel bilang No. 3 overall pick sa nakaraang PVL Rookie Draft.
Bukod sa dating De La Salle playmaker ay nakuha rin ng tropa sina UP standout Jewel Encarnacion, Arellano stalwart Dodee Batindaan at University of San Jose-Recoletos product Danivah Aying.
Si Coronel ang papalit kay starting setter Fhen Emnas kapag tapos na ang kanyang tungkulin sa Alas Pilipinas.
“That, I’m not sure about. But for the meantime, since it is national team season, I’m really hoping to prioritize my duties as a national team player,” wika ni Coronel sa kanyang paglalaro sa PVL Reinforced Conference.
Nagpasalamat ang 5-foot-9 setter sa pagkuha sa kanya sa PVL Draft.
“I would say I’m extremely thankful because coming into this draft, I really didn’t know who would pick me. And now that I know, I’m just really happy with the team I’m in, and as I said, I’m willing to contribute to the team’s success,” ani Coronel.
Binitawan ng Galeries Tower sina veteran outside hitter Shola Alvarez at middle blocker Julia Ipac sa Capital1 Solar Energy sa off-season.
At sina Encarnacion at Batindaan ang sasalo sa kanilang naiwang trabaho sa Highrisers.
Sa pagbubukas ng torneo sa Hulyo 16 ay haharapin ng Galeries Tower ang Nxled sa alas-2 ng hapon kasunod ang laban ng Chery Tiggo at Farm Fresh sa alas-4 ng hapon.
Sa alas-6 ng gabi maghaharap ang Creamline at PLDT para sa huling laro.
- Latest
