Alas umaasang ipapahiram ng Chery Tiggo sina Laure at Nierva
MANILA, Philippines — Hindi pinayagan ng Chery Tiggo sina Eya Laure at Jen Nierva na maglaro para sa Alas Pilipinas sa nakaraang 2024 FIVB Women’s Challenger Cup.
Sa kabila nito ay nagtungo pa rin ang dalawang Crossovers stars sa venue at sinaksihan ang 14-25, 22-25, 21-25 kabiguan ng mga Pinay spikers sa mga Vietnamese sa knockout quarterfinals ng torneo.
Umaasa si Premier Volleyball League (PVL) president Ricky Palou na papayagan ng Chery Tiggo sina Laure at Nierva na sumama sa pagsabak ng Alas Pilipinas sa two-leg Southeast Asian Volleyball League (SEA V.League) sa Agosto.
“We’re still talking to explain to them what are the agreements we came up with PNVF,” ani Palou sa kasunduan ng PVL at Philippine National Volleyball Federation (PNVF) kung saan magpapahiram ng players ang mga PVL teams para sa national team. “In fact, all the other teams said yes. Si Chery Tiggo lang iyong naiiba.”
“I don’t think they really understood everything, so we’re trying to explain to them what happened,” dagdag ng PVL chief.
Sina Laure at Nierva ay bahagi ng Alas Pilipinas na humataw ng makasaysayang bronze medal finish sa 2024 AVC Challenge Cup noong Hunyo.
- Latest
