Thompson lumipat sa Mavericks

DALLAS — Idinagdag ng 2023 runner-up Mavericks si veteran shooting guard Klay Thompson sa kanilang koponan para makatuwang nina Luka Doncic at Kyrie Irving.

Ito ang unang pagkakataon na umalis ang four-time NBA champion sa kampo ng Golden State Warriors sa kanyang 13-year career.

Ang pagpirma ng 34-anyos na si Thompson sa Dallas sa isang three-year, $50-million deal na may player option ay bahagi ng multi-team sign-and-trade kung saan ibibigay ng Mavericks si guard Josh Green sa Charlotte Hornets.

Makukuha naman ng Golden State sa Dallas ang dalawang second-round draft picks sa 2025 at 2031.

Sa kanyang paglalaro sa Warriors ay hinirang si Thompson bilang isa sa mga mahuhusay na two-way guards sa NBA at nakabuo ng isang historic trio kasama sina backcourt teammates Stephen Curry at Draymond Green.

Sumalang sina Thompson, Curry at Green sa anim na NBA Finals appearances para sa Golden State.

Sa Boston, pumayag si Jayson Tatum na pirmahan ang isang five-year, $314 million contract extension sa 2024 NBA champions Celtics habang pipirma din si Derrick White sa four-year, $125.9 million contract extension.

Sa Los Angeles, magbabalik si Nicolas Batum sa Clippers sa paglagda sa isang two-year, $9.6 million contract matapos maglaro sa Philadelphia 76ers.