15-man Philippines team mag-eensayo sa Metz

MANILA, Philippines — Bibiyahe ngayong araw pa­tungong Metz, France ang walo sa 15-man Philippine team para sa kanilang pi­na­­kahuling preparasyon sa darating na 2024 Paris Olympic Games.

Isang buwan ang ma­gi­ging ensayo ng tropang pamumunuan nina Tokyo Olympics silver medalists Nesthy Petecio at Carlo Paalam at bronze medal winner Eumir Felix Marcial ng boxing sa nasabing trai­ning camp.

Makakasabay nila sina boxers Hergie Bacyadan at Aira Villegas, weightlif­ters Vanessa Sarno, Elreen Ando at John Ceniza at ro­wer Joannie Delgaco.

Susunod naman sa na­sabing gru­po si gymnast Caloy Yulo kasunod sina pole vaulter EJ Obi­e­na, gymnasts Aleah Fin­negan, Le­­vi Ruivivar at Em­ma Ma­­labuyo at fencer Sam Catantan.

Kasalukuyang nasa Po­land si Obiena para sa isang event kasunod ang pagsabak sa Diamond League meet sa Paris.