Alas Pilipinas vs Indonesia sa classification
MANILA, Philippines — May tsansa pa ang Alas Pilipinas na malampasan ang 10th place finish noong 2023 Asian Volleyball Confederation (AVC) Challenge Cup for Men.
Ito ay sa kanilang pagsagupa sa Indonesia kagabi sa classification round ng torneo sa Isa Town, Bahrain.
Parehong nagtala ng 0-2 record ang mga Pinoy spikers at mga Indonesian hitters sa Pool A at Pool C, ayon sa pagkakasunod.
Laglag ang koponan ni Brazilian coach Sergio Veloso sa classification round matapos yumukod sa China, 19-25, 22-25, 22-25, at sa Bahrain, 18-25, 23-25, 20-25, sa group play.
Hindi naduplika ng national men’s team ang makasaysayang bronze medal finish ng Alas Pilipinas women’s squad sa nakaraang AVC Challenge Cup for Women na idinaos sa Rizal Memorial Coliseum sa Manila.
Muling aasahan ni Veloso sina co-captains Marck Espejo at Jau Umandal kasama sina Kim Malabunga, Owa Retamar, Leo Ordiales, Jade Disquitado, Lloyd Josafat at Josh Ybañez
Bigo naman ang Indonesia sa South Korea at Qatar sa Pool C.
Wala sa Indonesian team na humataw ng gold medal sa 32nd Southeast Asian Games noong 2023 ang naglalaro sa tropa nila ngayon.
- Latest
