Celtics lusot sa Pacers sa OT

BOSTON — Humugot si Jayson Tatum ng 10 sa kanyang 36 points sa overtime para banderahan ang Celtics sa 133-128 pagdaig sa Indiana Pacers sa Game One ng Eastern Conference championship series.

Isinalpak ni Jaylen Brown ang panablang three-point shot sa huling 6.1 segundo ng regulation patungo sa 1-0 lead ng Boston sa kanilang best-of-seven duel ng Indiana.

Umiskor si Jrue Holiday ng season-high 28 points para sa Celtics na itinabla ni Brown sa 117-117 matapos kunin ng Pacers ang three-point lead sa dulo ng fourth period.

“It doesn’t prove anything,” wika ni Tatum sa panalo ng Boston. “We won a big-time game. The series is far from over.”

Pinangunahan ni Ty­rese Haliburton ang I­ndiana sa kanyang 25 points at 10 assists habang nagdagdag si Pascal Siakam ng 24 points at 12 rebounds at may 23 points at 10 rebounds si Myles Turner.

Kinuha ng Pacers ang 123-121 bentahe mula sa tatlong free throws ni Haliburton sa huling 1:46 minuto ng extra period.

Kinumpleto naman ni Tatum ang 3-point play kay T.J. McConnell para sa 124-123 abante ng Cel­tics patungo sa 127-123 kalamangan sa huling 43 segundo.