COI Silver Anniversary Fun Run and Bike gilusad

CEBU, Philippines — Subay sa selebrasyon sa ika-25 nilang anibersaryo, ang Cebu Orthopaedic Institute mopahigayon sa COI Silver Anniversary Fun and Bike sukad ka bulan gikan karon.

Ang mga sakop sa Cebu Orthopaedic Institute nga gipangulohan sa ilang CEO ug managing director nga si Dr. Jose Flordelis pormal nga milusad sa kaluha nilang kalihukan sa natad sa paugnat sa kusog sa usa ka press conference kagahapon didto sa Eddie's Restaurant.

"Why run and bike? Because these are the most popular sports right now and the easiest for every one to engagae in," dason pa ni Flordelis. "Some of our members also are into triathlon, so we are really geared towards athletic activities."   

"We want to be at the forefront of promoting fitness for everyone," paambit pa ni Dr.Charles Andrew Chu-Santos.

"We are advocates of maintaining wellness and physical health," dugang pa ni Dr. Paula Veronica Palma.

Mitambong sab ang ubang batid nga mga doktor sa COI nga sila si Jose Antonio San Juan, Judith Valerie Akol, Philip Ian Barlaan, Mario Chan, Richard Condor, Jonathan Flordelis, Miguel Go, Precious Grace Handog, Leopoldo Jiao III, Jan Princeton Lim, Hester Renel Palma, ug Robinson Uy.

Gitakda karong Hunyo 2, ang Fun Run naglangkob og 20-24, 25-29, 30-34, 35-39, 40-44, 45-49, 50-54, 55-59, 60-64, 65-69, ug 70-above age groups nga gikatag sa upat ka mga distansiya, matud pa ni race director Joel Juarez sa Coco Running.

Ang rehistrasyon nagkantidad og P700 sa 3km, P800 sa 6km, P900 sa 12km ug P1,000 sa 16km apil na niini ang shirt, race bib, snacks, ug medal. Ang mga early birds o kadtong magparehistro sugod karon hangtud sa Mayo 15 makadawat og P100 nga diskwentro.

Sa laing bahin, ang COI Bike kasado na sab sa Hunyo 8 sa gilay-on nga 10km sa Bike B, ug 21km sa Bike A.

Bukas na ang rehistrasyon pinaagi sa https://bit.ly/COIRunAndBike2024.