Beermen nilasing ang Elasto Painters

MANILA, Philippines — Sinimulan ng Beermen ang kanilang kampanya sa Season 48 PBA All-Filipino Conference sa pamamagitan ng panalo.

Kumalabit si Jericho Cruz ng 20 points, habang may 17 markers si Marcio Lassiter kasama ang li­mang three-point shots sa 109-97 paggupo ng San Mi­­guel sa Rain or Shine ka­­hapon sa Smart Araneta Co­liseum.

Humakot si seven-time PBA MVP June Mar Fajar­do ng 15 points at 10 rebounds para sa 1-0 record ng Beeemrn at may 16 at 13 markes sina Don Trolla­no at Terrence Romeo, ayon sa pagkakasunod.

Nalasap ng Elasto Painters ang ikaapat na di­kit na kamalasan.

Mula sa two-point lead sa first period ay inilista ng SMB, nagmula sa pagha­ha­ri sa nakaraang Com­mis­sioner’s Cup kontra sa Mag­nolia, ang 58-45 bentahe sa Rain or Shine pag­silip ng third period.

Naputol ito ng Elasto Pain­ters sa 85-96 sa 8:21 minuto ng fourth quarter bago ibinalik sa laro si Fa­jardo na kumana ng basket at isang triple para sa 101-85 kalamangan ng Beermen.

Ang jumper ni Romeo ang nagbigay sa SMB ng 20-point lead, 107-87, sa hul­ing 3:41 minuto ng laro.

Samantala, maglalaro ang PBA sa makasaysa­yang Rizal Memorial Complex sa Vito Cruz, Manila.

Magtutuos ang Magno­lia at Converge sa alas-6:15 ng gabi matapos ang upakan ng Blackwater at Ter­rafirma sa alas-3 ng ha­pon.