Highrisers gumuho sa Cool Smashers

MANILA, Philippines — Sa first set lamang na­ngalay ang nagdedepen­sang Creamline bago gi­bain ang Galeries Tower, 25-22, 25-17, 25-15, sa 2024 PVL All-Filipino Con­fe­­rence kahapon sa Philsports Arena sa Pasig City.

Nagtala si Michele Gu­mabao ng 10 points at tat­long blocks para sa 3-0 kar­tada ng Cool Smashers para sosyohan ang Choco Mucho Flying Titans sa li­derato.

Umiskor si Tots Carlos ng 9 markers, habang may 8 at 6 points sina Alyssa Valdez at Lorie Lyn Bernardo, ayon sa pagkakasunod.

“Okay iyong rotation. Actually, every game naman kahit sino iyong kala­ban, puwedeng maging ro­tation iyong team namin. So ngayon naman, sabi na­min mag-perform ng ma­ganda,” ani coach Sherwin Meneses.

Naglista si Kyle Neg­rito ng 18 excellent sets ka­sama ang dalawang puntos para sa defending champions.

Binanderahan ni Ysa Jimenez ang Highrisers, bumagsak sa 0-3 marka, sa kanyang 11 points mula sa 11 attacks.

Pumalag ang Galeries sa first set bago naitakas ng Creamline ang 25-22 pa­nalo kasunod ang 25-17 pag-angkin sa second frame para sa kanilang 2-0 bentahe.

Sa third set ay kinuha ng Highrisers ang 10-7 ka­lamangan.

Naghulog naman ang Cool Smashers ng 10-2 bom­­ba sa pangunguna ni Gu­mabao para agawin ang 19-12 bentahe.

Humataw pa ang Creamline ng 6-3 atake pa­­ra tuluyan nang talunin ang Galeries na may 32-45 agwat sa attack department.