Donling-Gavens match mitak-op sa Donling Cup 2024 elimination
CEBU, Philippines — Opisyal na nga nakuha sa Goutsource Solution International (GSI) ug Donling Aircon and Refrigeration Services ang automatic slot sa semifinals bugti sa ilang kadaugan batok sa tagsa-tagsa nilang kaatbang pagtapos sa elimination round sa Donling Cup 2024 niadtong Domingo diha sa Ateneo de Cebu old campus sa Mango Avenue, Cebu City.
Ang duha magpaabot na lang sa resulta sa modaog sa quarterfinal games karong Domingo diin unang magsangka ang Cebu Grand Prix ug New Era sa alas-6 sa gabii, sundan dayon sa duwa sa JMD Automotive batok JLT Sorbeteros.
Sa tulo ka games schedule, ang Donling lang ang klarong nakaduwa. Ang GSI ni Ivan Llesol ug New Era ni Chris Ivan Batitay nidaog pinaagi sa forfeiture sa non-bearing games batok sa Bucket Blazers ni Chyrus Blen ug CJL Sniper ni James Lapinig.
Sa laing bahin, ang Donling nidaog sa Gavens Water Refilling Station sa iskor nga 93-77 aron mopahiluna sa ikaduhang pwesto human sa eliminasyon ning maong liga nga giorganisar sa Brothers Ball League sa pagpangulo ni Marvin Sillar.
Unom ka Donling players ang mirehistro'g double figures sa pagpangulo sa best player niining si Kenaz Balderas sa iyang 21 puntos, uban ang unom ka rebounds ug lima ka assists, gisundan ni Megume Bacus nga dunay 17 puntos ug Winsley Oftana sa iyang 16 puntos. Si Julito Dionson miamot og 11 puntos, samtang ang team manager nga si Romeo 'Don' Quilaton Jr. mitampo'g 10 puntos sa Donling, kansang double digits nga labaw namintinar dayon na paghuman sa duwa.
Ang Gavens ni Kevin Mamac gipangulohan ni Scott Kier Alindajao pinaagi sa iyang 25 pubtos, gisundan ni Eric Sanchez nga dunay 16 puntos ug nilang Pedro Villarosa ug Jeffrey Alburo nga dunay 10 puntos matag usa.
- Latest
