‘Siya o ako’

Sinilip natin ang last day of training ni Marlon Tapales sa Elorde Plus Gym sa Parañaque bago siya lumipad patungong Japan kahapon para labanan si Naoya Inoue sa Dec 26.

Light workout lang. At dahil dumagsa ang media, naging no-sparring session.

Maganda naman ang ensayo. Eight pounds over the limit of 122 lbs pa si Tapales pero no problem ‘yan. Before the fight, siguradong kuha na ang timbang.

Big fight ang laban sa Tokyo. Unification para sa super-bantamweight division. Hawak ni Tapales ang WBA at IBF titles. Hawak naman ni Inoue ang WBC at WBO titles.

Wala pang Pinoy boxer ang naging unified champion. Kahit si Manny Pacquiao na nanalo ng world titles sa eight weight classes, never naging unified champion.

Si Inoue naman, na undefeated in 25 fights, dati nang unified champion sa 118 pounds. Hangad niya maging ikalawang boxer in history na ma-unify ang apat na titles in two weight classes. Si Terence Crawford ang una sa light-welterweight at welterweight divisions.

Kaya big fight ito kahit na sabihin natin na heavy underdog ang manok natin na 37-3 with 19 knockouts. Out of 25 wins, may 22 knockouts si Inoue at isa si Nonito Donaire sa mga biktima niya.

Sa tingin ko, isa lang ang pag-asa ni Tapales at ‘yan eh kung kayanin niya ang suntok ni Inoue na tinaguriang “The Monster.”

Dahil kung kayanin niya ito, then may chance siyang pasukin si Inoue. May knockout punch din naman si Tapales.

Sa kutob ni Tapales, dehins matatapos ang 12 rounds.

“Siya o ako. Bagsakan ‘to,¨sabi ng Pinoy champion.

Uupo tayo sa ringside sa gabi ng laban. Tingnan natin.