"Last dance" sa USC-North alumni

CEBU, Philippines - Bagtik midemolis  sa Golden Warriors Gimasaker sa nagmangtas nga Bagtik Batch 1986 ang 1982/1987 Golden Warriors,  118-56, sa Division 1 pagsugod sa University of San Carlos-North Alumni Basketball  Club (USC-NABC) "Lance Dance":Cong. Bingo "Bagtik" Matugas Cup didto sa USC

North Campus gym sa may General Maxilom Avenue, dakbayan sa Sugbo.

Si Arturo Pepito Mata mipaulbo og 40 puntos samtang si Surigao del Norte Rep.

Francisco Jose “Bingo” F. Matugas II mipabuto og 32 puntos sa way kaluoy nga 62

puntos nga demolisyon sa Bagtik sa nagkagidlay nga Golden Warriors.   

Sa Division 4, si Ian Catubig mikadlit og 18 puntos samtang si King Balaga

midugang og 13 puntos sa dihang ang Callants 2018 nakaipsot sa Undaunted 2016,

61-58.Si Jose Kenzo Callelero mitali og 17 puntos samtang si Joshua Vincent Mah

dunay 10 puntos sa pilderong Undaunted 2016. Sa ubang mga resulta, ang Legacy

2009 mipayaka sa Pioneers 2010, 75-69, sa Division 3, samtang ang Stallions 2003

mibugha sa Goats 2002, 65-56, sa Division 2.

Si Dominique Adlawan maoy nangu sa Legacy 2009 uban ang 27 puntos inabagan ni Ram Enriquez nga mitampo og 14 puntos.

Sa laing bahin, sila si Gavin Jumao-as, Michael Marabe ug Rommel Zamora nagkumboya'g 36 puntos alang sa Stallions 2003.