Flores milangkat sa PBF super flyweight title
Gibira ni Judy Flores ang korona isip Philippine Boxing Federation super flyweight champion human midaog pinaagi sa split decision batok ni Jerald Paclar atol sa Manny Pacquiao Presents Blow-By-Blow show niadtong Sabado sa gabii didto sa Barangay Mauway Executive Sports Complex sa Mandaluyong City.
Si Flores nagkupot na karon og 13-1 nga baraha uban ang 7KOs samtang si Paclar natagak sa 16-7-4 uban ang 9KOs.
Mao kadto ang ikaunom nga promosyon sa Blow-By-Blow sukad gibanhaw ni Pacquiao ang kanhi sikat nga programa sa telebisyon sa miaging tuig.
“We would always give the Filipino boxers the opportunity to shine and with San Miguel providing the knockout blows as far as support is concerned, the future looks bright,” matud pa ni Pacquiao.
Ang Blow-By-Blow makita matag Dominggo sa alas 8:30 sa gabii sa ONE Sports channel sa Cignal.
- Latest
