AFAD defense and sporting show sa SMX

Itatampok ng Association of Firearms and Ammunition Dealers Inc. (AFAD) ang mga pinakabago at high-tech na firearms at sporting guns sa pagbubukas ng unang edisyon ng 29th Defense and Sporting Arms Show ngayong araw sa SMX Convention Center sa Pasay City.

Iniimbitahan ni AFAD president Alaric Topacio ang lahat ng mahihilig sa baril, hobbyist at sportsmen para makiisa sa five-day event upang makita ang mga pinakabagong imported at locally manufactured guns, ammunitions at accessories.

“With the continuous growth of the defense industry, we made the decision to move to a bigger venue to accommodate our growing list of exhibitors. So, expect a grandiose display of sporting firearms from both local and international manufacturers and companies,” ani Topacio.

Kinumpirma ni dating Philippine National Police (PNP) Chief at Sen. Ronald ‘Bato’ Dela Rosa ang kanyang pagdalo sa pang alas-10 ng umagang opening ceremony.

Makakasama niya ang ilang matataas na opisyal ng PNP at Armed Forces of the Philippines (AFP).

Inaasahan din ang pagdating nina Senate president Migz Zubiri at Senators Bong Go at Robin Padilla.

Bukod sa mga karaniwang aktibidad sa pagre-renew ng mga lisensya at aplikasyon para sa mga bagong rehistradong may-ari ng baril, ang mga kalahok ay magkakaroon ng pagkakataong dumalo sa mga seminar tungkol sa kaligtasan sa paggamit ng baril, pagtatanggol sa sarili, seguridad at responsableng pagmamay-ari ng baril.

Nag-host ang mga miyembro ng AFAD ng isang media day fun shoot– isa sa sidelight ng palabas – sa Armscor facility sa Marikina City kung saan ang mga kalahok ay nakakuha ng pribilehiyo na subukan ang ilan sa mga bagong baril na pawang kabilang sa mga makikita sa palabas.

Sinabi ni Topacio na bukod sa pagtulong sa mga mamimili sa proseso ng paglilisensya, ang mga kalahok na kumpanya at miyembro ay magbibigay ng malaking diskuwento sa produkto.

Itatampok ang mga exhibitor tulad ng Stronghand Incorporated, Final Option Trading Corporation, Force Site Inc, Lynx Firearms and Ammunition; Tactical Precision Trading, Armscor Shooting Center, Defensive Armament Resource Corp., Topspot Guns and Ammo, Lordman Leathercraft Guns and Ammo, True Weight, Tactics SOG Industries Inc., Trust Trade, PB Dionisio and Co., Inc., Tactical Corner Inc, Squires Bingham Intl./Armscor, Shooters Guns and Ammo Corp., Nashe Enterprises, Willi Hahn Enterprises, Metro Arms Corporation, R. Espineli Trading, Imperial Guns, Ammo & Accessories, Lock and Load Firearms and Sporting Goods, Pascual Gun Works, Metro Sporting Arms Show, Santiago Fiberforce, Jordan Leather at Gen. Mdse, Magnus Sports Shop, Speededge, Inc, Greyman Elite, Inc., Bonanza/Icarus Shirts, CBX Trading at General Merchandize, bukod sa iba pa.