Futsal Tournament Season 3 gisugdan sa Cebu City Jail Male Dormitory

CEBU, Philippines — Opisyal na nga gibuksan sa sa Cebu City Jail Male Dormitory sa miaging adlaw ang ilahang Futsal Tournament Season 3.

Mitambong sa kalihuka mao si Reffix Cuaresma, Goal Keeping Coach sa Dynamic Herb Cebu Football Club, Engr. Rodney Orale, Presidente sa Central Visayas Football Association ug Antonio Trebiol Coach ug Central Visayas Foostball Association board.

Ang futsal paugnat sa kusog nga gipaila sa Bureau of Jail Management and Penology ug sa Cebu City Jail Male Dormitory niadtong Hulyo 2021 pinaagi sa kolaborasyon sa nagkalain-laing stakeholders ug jail unit.

Ang Futsal giila sa FIFA isip usa ka matang sa gamay football o soccer game nga anha duwaon sa gamay nga espasyo inay sa lapad kaayong football field. Ang futsal gikan sa pinulongang Espanyol nga 'fútbol sala' o futbol sa sud. Ang matag team adunay tag-lima ka players nga magduwa sama gihapon og soccer. Apan mas gamay ug mas gahi ang bola ug dili kaayo mountol ang gamiton.

Pinaagi sa Futsal mapalambo ang skills ug talent sa mga gitawag og Persons Deprived of Liberty ug makatabang sab sa pagpamenus sa ilang gibating stress ug kalaay. Labaw sa tanan makatabang sab kini sa pagmentinar sa maayong panglawas ug panghunahuna. Nanghinaot ang Cebu Football Association nga ang Cebu City Jail Male Dormitory Futsal ma-recognize sa Philippine Football Federation.  Samtang human sa opening ceremony gipahigayon dayon ang exhibition match tali sa mga team.