Bucks, Nuggets sud na sa playoffs;  Warriors, Heat nanuktok sa play-in 

CEBU, Philippines —  Naghinam-hinam na ang mga basketball fans sa umaabot nga NBA Playoffs sa Western ug Eastern Conference nga magsugod karong Abril 15,2023.

Duna gyuy mga fans nga madismaya ug duna say mangalipay tungod kay duna pay purohang makasulod sa playoff round 1 ang ilang paboritong NBA teams, apan dunay uban nga lisud na kaayong makaapas pa tungod sa ilang nagtinga nga standings.

Sa pagkakaron aduna nay 12 ka teams gikan sa Western ug Eastern Conferences nga sigurado nang nakasulod sa Playoffs Round 1 sa maong adlaw, base kini sa ilang team standings. Tag-unom ka teams matag conference.

Aron makaabante sa playoffs round 1 kinahanglang makasulod sa top 8 ang teams sa tagsa-tagsa nila ka conferences pinaagi sa ipahigayong play-in tournament karong Abril 11 hangtud sa Abril 14.  Ang playoffs magsugod Abril 15,2023.

Sa pagkakaron, sa Eastern Conference kampante na sa ilang standings ang Milwaukee Bucks sa ilang 50-20 win-loss record; sunod ang  Boston Celtics 49-23; Philadelphia 76ers 48-22; Cleveland Cavaliers 45-28; New York Nicks 42-30; Brooklyn Nets 39-31.

Ang ika-pito sa standing nga Miami Heat 38-34 ug ang ika-walo sa standing nga Atlanta Hawks 35-35, mag-ilogay nga makasulod sa top 7 sa conference.

Kadtong mga teams nga naa sa ika-siyam ug ika-napulo sa standings kinahanglang modaog kaduha aron makuha ang ika-walong spot.

Mag-ilogay pa sa kahigayonan nga makasulod sa kataposang slot (ikawalo) ang Toronto Raptors 35-36 nga naa ika-siyam sa standing batok sa ika-napulo sa standings nga Chicago Bulls 33-37.

Ang makadaog tali sa duha maoy makigsangka sa mapildi tali sa Hawks ug Heat aron maoy mokumpleto sa top 8 teams para sa Eastern Conference playoff round 1.

Samtang sa Western Conference, ang naa sa top 6 teams mao ang Denver Nuggets 47-24; Sacramento Kings 43-27; tabla sila standing sa Memphis Grizzlies nga 43-27; sunod ang Phoenix Suns 38-32; Los Angeles Clippers 37-34; ug Dallas Mavericks 36-35. Ang nahibiling duha ka spots ilogan pa sa Golden State Warriors 36-36 nga makigsangka una sa Minnesota Timberwolves 35-37 ; ang makadaog sa duha maoy mahatagan og tsansang makaangkon sa 7th spot sa Western Conference.

Ang mapildi tali sa Warriors ug Timberwolves maoy makigsangka sa mogawas nga mananaog sa tali sa top 9th nga Oklahoma Thunder 34-36 ug top 10th nga Utah Jazz 34-36 aron kumpletuhon ang ikawalong spot sa komperensiya.

Ini og human sa Play-In Tournament mosunod dayon ang NBA playoffs sa Abril 15, 2023 balik sa tradisyonal nga 16-team best-of-seven series.