Payton ii madayon sa GSW?

CEBU, Philippines — Pag-trade kang Gary Payton II gikan sa Portland Trail Blazers padung sa Golden State Warrior sa gipatumang four-team deal, madayon kaha o dili?

Si Portland Trail Blazers general manager Joe Cronin miingon nga masaligon siyang baskog ug andam nang moduwa si Payton human dunay mga balitang nag-ingong nag-antos kini sa ‘core injury’ bisan gaduwa pa kini sa ilang koponan. Sumala pa sa report sa Athletic, nahagbong sa physical exam sa Golden State si Payton niadtong adlaw nga Biyernes, tungod niini, mahimong ipadayon o dili na sa GS ang trade bisan sa iyang sitwasyon.

Sa report sa NBA.Com, si Cronin miangkon nga nakahibalo siya sa report apan wala siya makadungog og komento gikan sa Warriors, ingon man sa Hawks o sa Pistons nga apil sa maong four-team deal. “I haven’t heard from any teams about this. So for now I have to defer,” matud pang Cronin bahin sa panglawas ni Payton.

Kadiyot nang nakaduwa si Payton sa Portland. Absent siya sa unang 35 ka duwa sa season sa Portland tungod sa injury nga kinahanglang operahan.

Gani ang Athletic mi- report nga posibleng mabangko si Payton suds a duha ngadto sa tulo ka buwan tungod sa injury. 

“He had been cleared and we were confident that he was healthy when he was playing,” matud pang Cronin. “We would not have brought him back if we thought he wasn’t healthy or if he was at risk,” dugang pa niya nga gidasonan sab ni Portland coach Chauncey Billups. —IBM